Moskvada 18 yoshli qiz bobosini pichoqladi
Gumonlanuvchi Emina Yoqubova so‘zlariga ko‘ra, bobosi o‘sha kuni unga hujum qilgan. Qiz esa o‘zini himoya qilgan.
Qiz darhol hibsga olingan. Unga nisbatan “qotillik” moddasi bo‘yicha jinoyat ishi qo‘zg‘atildi. Bu xaqda "Moslenta" xabar berdi.
Surishtiruv jarayonida qiz moskva davlat universiteti talabasi bo‘lgani, ota-onasi erta ajrashib ketgani sababli bobosining qo‘lida tarbiya topgani aniqlangan. Qiz bobosini yaxshi ko‘rishini, lekin uning qattiqqo‘lligiga bardosh berolmaganini tan olgan.
Shuningdek, surishtiruv davomida qiz giyohvand moddalar isteʼmol qilishi ham maʼlum bo‘lgan. Emina yashagan kvartirada tintuv o‘tkazilganda xonasidan qizning o‘z joniga qasd qilish niyati borligi haqida yozilgan kundalik topilgan. Unda qiz hamma narsa joniga tekkani va yashash istagi yo‘qligini bildirgan.
Fojia yuz berishidan bir kun oldin Yoqubovaning otasi politsiyaga qizining g‘oyib bo‘lgani haqida ariza bilan murojaat qilgan. Biroq qiz tez orada uyga qaytib kelgan. U yo‘qolib qolishini shunchaki yolg‘iz qolishni istagani bilan izohlagan.
Universitetda birga o‘qigan kursdoshlari ham Eminaning yaqinlari bilan aloqasi yaxshi emasligini taʼkidlagan. Hozirda tergov jarayoni davom etmoqda.
Bundan avval Moskva metrosida begona qizni himoya qilgan yigit ayovsiz kaltaklangani hamda Moskvada o‘zbekistonlik migrantning jasadi topilgani xabar bergandik.
Munojat Valiyeva
