Tyumenda ayiq bir kishini g‘ajib tashlab, ikki kishiga og‘ir tan jarohati yetkazdi
Dastlabki maʼlumotlarga ko‘ra, baliq ovlash uchun borgan uch yigit ovdan o‘rmon bo‘ylab qaytayotgan vaqtida ularga ayiq hujum qilgan.
Ulardan birini yirtqich g‘ajib tashlagan. Bokschi yonidagi pichoqni chiqarib, hayvonga bir necha marta bergan. Natijada, ayiq halok bo‘lgan. Ilya va uning tirik qolgan sherigi jiddiy jarohat bilan jonlantirish bo‘limiga olib kelingan.
Tabiiyki, bo‘lib o‘tgan voqeadan so‘ng ijtimoiy tarmoqlarda ayiq nima sababdan yo‘lovchilarga besabab tashlangani keng muhokama qilindi.
Ichki ishlar xodimlari tomonidan olib borilgan surishtiruv davomida yigitlar tomonidan aytilgan voqeada chalkashlik borligi aniqlandi. Yigitlar aslida baliq emas, ayiq ovlagani borgani maʼlum bo‘ldi. Ular ayiq hujumidan avval uning uyasiga yaqin borib, bir necha bor o‘q uzgan. Yaralangan ayiqlardan biri qutirgan holda 48 yoshli erkakka hujum qilib, uni g‘ajib tashlagan. So‘ng Ilyaga tashlangan. Uchinchi yigit qochishga ulgurgan. Jarohatlangan bokschi Ilya Medvedevni shifoxonaga ana shu yigit olib kelgan.
Qayiqdan dalil sifatida yigitlarga tegishli bo‘lgan miltiqlar topilgan, deb xabar bermoqda Tyumen viloyati davlat ovchilik boshqarmasi.
Bundan avval Xitoyda pandalarni o‘ldirganlarga o‘lim jazosi belgilangani hamda Aydar-Arnasoy ko‘llar tizimida ancha miqdordagi baliqlarning noqonuniy ovlanishining oldi olingani haqida xabar berilgandi.
Munojat Valiyeva
