Maqsadimiz O‘zbekistondagi demokratik o‘zgarishlarni dunyoga ko‘rsatish – ukrainalik jurnalist
zamon.uz ukrainalik jurnalist, “Ukraina-biznes” nashriyot uyi bosh muharriri Larisa Semakaning saylov haqidagi fikrlari bilan qiziqdi.
Xalqaro media-xollda xalqaro kuzatuvchi va jurnalistlar bilan uchrashuvlar davom etmoqda. zamon.uz ukrainalik jurnalist, “Ukraina-biznes” nashriyot uyi bosh muharriri Larisa Semakaning saylov haqidagi fikrlari bilan qiziqdi.
O‘zbekistonning Ukrainadagi elchixonasi yordami tufayli jurnalistlar guruhi O‘zbekistonda Prezident saylovini yoritishga keldi. Loyihamizning maqsadi – jarayonlarni xolis yoritish, faol ishtirok etish va dunyo hamda Ukrainaga O‘zbekistondagi demokratik o‘zgarishlarni ko‘rsatish.
Biz tashrifimizni mazkur media-xolldan boshladik. Bu yerda jurnalistlarga saylov jarayonlarini yoritishi uchun barcha sharoit yaratib berilgan – texnikadan tortib spikerlarga to‘g‘ridan to‘g‘ri murojaat qilishgacha. Savol-javoblar onlayn rejimda olib borilyapti va bu jarayonning yana-da shaffof kechishiga sabab bo‘lyapti. Bularning barchasi O‘zbekistonda amalga oshirilayotgan demokratik o‘zgarishlarga to‘la mos tushadi. O‘zbekistonga eng yaxshi tilaklarni tilayman. Xalqlarimiz o‘rtasidagi aloqalar chuqur tarixiy ildizga ega. Men buni yana-da rivojlanishi tarafdoriman, – dedi jurnalist.
Bundan avval belgiyalik kuzatuvchi Rusnak Urbanning saylov haqidagi fikrlari hamda saylov kuni tana harorati yuqori bo‘lganlar uchun alohida kabina va quti tashkillashtirilishi xabar qilingandi.
Jahongir Qo'ziyev
