Yevropalik ijodkorlar hammuallifligida Yangi O‘zbekistonning yuksalishiga bag‘ishlangan kitob yaratildi
Kitob tobora yuksalib borayotgan Yangi O‘zbekiston haqida.
Bugun Xalqaro media xollda “Yangi O‘zbekistonning yuksalishi: Millatning merosi, qahramonlari va diqqatga sazovor joylari” kitob-albomining taqdimoti o‘tkazildi.
Ushbu kitob o‘zbek, rus va ingliz tillarida nashr etiladi. Undan Avstriya, Ispaniya, Fransiya, Buyuk Britaniya hamda Germaniyadan bir qator ijodkorlarning kuzatishlari joy olgan.
Mualliflar kitobni tayyorlash jarayonida O‘zbekiston aholisining ko‘p qatlami bilan suhbatlashgani, mamlakatdagi bugungi sharoit, yangilanish va o‘zgarishlarning ularning hayotiga taʼsirini o‘rgangani, bu borada odamlar fikrini tinglaganini aytdi. Shu asosda bir necha yo‘nalish — energetika, taʼlim, sog‘liqni saqlash, madaniyat kabi sohalar tahlil qilinganini taʼkidladi.
— Kitob yevropalik ijodkorlar bilan hammualliflikda yozilgan, — deydi britaniyalik jurnalist Fred Harrison. — Uni tayyorlashda qiyinchilikka duch kelmadik. Faqatgina, pandemiya davri bo‘lgani uchun mualliflar ZOOM orqali aloqa o‘rnatib, fikr almashdik. Shuningdek, internet orqali ham O‘zbekiston haqida anchagina maʼlumotlar to‘play oldik.
Bahriniso Madumarova
