Saylovchilarda o‘zgacha shukuhni ko‘rdim — qozog‘istonlik kuzatuvchi
Qozog‘istonlik kuzatuvchi saylov borasidagi fikrlari bilan o‘rtoqlashdi.
Zamon.uz muxbiri Prezident saylovi bo‘yicha Qozog‘istonlik kuzatuvchi, “Do‘stlik” hamjamiyati va xalqaro “Amir Temur” xayriya jamg‘armasining Qozog‘iston respublikasidagi rahbari Ikrom Hoshimjonovning saylov jarayoni va yakunlari bo‘yicha fikrlari bilan qiziqdi.
— Biz Qozog‘iston Respublikasidan kuzatuvchi bo‘lib keldik. 24 oktyabr kuni Respublika tarixida katta jarayon yuz berdi. Men turli saylov uchastkalarida turfa millat vakillarini uchratdim. Har bir saylovchi qalbida shukuh sezilib turibdi. Ob-havo ham saylov kuni ajoyib bo‘ldi.
Odamlarda yuksak vatanparvarlik ruhini ko‘rdim. Saylovchilar konstitutsiyaviy huquqidan to‘la foydalanib, Yangi O‘zbekiston taraqqiyotiga o‘z hissasini qo‘shdi. Saylov uchastkasida yoshlardan biriga “kimga ovoz berdingiz?” deb savol berganimda “kelajagim uchun” deya javob berdim. Yoshi ulug‘lar esa “Biz o‘z farzandlarimiz va nabiralarimiz kelajagini tanladik”, – deb taʼkidlashdi. Saylovlar ochiqlik va shaffoflik ruhida o‘tdi.
Markaziy Saylov Komissiyasining brifingida Shavkat Mirziyoyev g‘alabasi eʼlon qilindi. Bu degani – fuqarolar mamlakatda o‘tkazilayotgan keng ko‘lamli islohotlarga ishonch bildirmoqda. Endilikda O‘zbekiston yana-da taraqqiy topishiga, islohotlar yana-da jadallashishiga ishonaman.
Avvalroq Shavkat Mirziyoyev yana ishonch bildirgani uchun O‘zbekiston xalqiga minnatdorchilik bildirgani xabar qilingandi.
Jahongir Qo'ziyev
