Tuman prokurori o‘rinbosarini xotinining jiyani bo‘yniga arqon solib, mashinaga bog‘lab sudradi
Mashinaga to‘kilgan pivo mushtlashuv yuzaga kelishiga sabab bo‘ldi.
Kuzatuv kameralariga muhrlangan video “Baza” telegramm kanali orqali tarqalgan.
Dastlabki maʼlumotlariga ko‘ra, o‘sha kuni kechqurun Dalmatovskiy tumani prokurori o‘rinbosari Dmitriy Dedulya "Graviyniy" qishlog‘idagi «Svetlana» kafesida dam olayotgan bo‘lgan. Ziyofat chog‘ida turmush o‘rtog‘ining jiyani Amanjolom Sautbayev bilan o‘rtasida nizo kelib chiqqan. Nizo mushtlashuvgacha borgan.
Mushtlashuvdan keyin Amanjolom Dmitriyni bo‘yniga arqon solib, mashinaga bog‘lab sudragan. Dmitriy tirik qolgan, og‘ir tan jarohati bilan shifoxonaga yotqizilgan.
Surishtiruv davomida janjal Dmitriyni Sautboyevning mashinasiga pivo to‘kib yuborgani sabab bo‘lgani maʼlum bo‘ldi. Lekin Dmitriy xotinining jiyanidan o‘ch olmagan, ariza bilan hech qayerga murojaat qilmagan.
Ayni paytda Sautboyev qo‘lga olingan va unga nisbatan jinoyat ishi qo‘zg‘atilgan.
Bundan avval Rossiyada 33 yoshli ayolni bo‘g‘ib o‘ldirgan o‘zbekistonlik erkak qo‘lga olingani hamda Rossiyada ommaviy mushtlashuvda ishtirok etgan 50 nafarga yaqin migrant “deport" qilingani haqida xabar berilgan edi.
Munojat Valiyeva
