Xitoy hukumati avtomobillar uchun yoqilg‘i sotishga cheklovlar joriy etdi
Energiya inqirozi davrida Xitoy hukumati yoqilg‘i sarfini kamaytirishga qaror qilib, avtomobil uchun har bir litrdan ko‘p bo‘lmagan miqdorda sotishga qaror qildi.
Maʼlumotlarga ko‘ra, yuk mashinalari haydovchilari o‘z avtomobillariga yoqilg‘i quyish uchun kun bo‘yi navbatda turishga majbur bo‘lmoqda.
Shu bilan birga, Xitoyning ayrim hududlarida yana-da qattiqroq cheklovlar qo‘yilgan. Baʼzi hududlarda haydovchilarga har bir mashina uchun atigi 25 litr yoqilg‘i sotib olishga ruxsat berilgan bo‘lsa, boshqalarida bunday xarid narxi 300 yuan (47 dollar) bilan cheklangan.
Xitoy hamon energetik inqiroz holatida – ko‘mir va gaz zaxiralari mamlakatning ayrim provinsiyalarida yirik zavodlarning yopilishiga va elektr tokining uzilishiga olib keldi.
Mutaxassislarning fikricha, bu holat pandemiya tufayli yuzaga kelgan global logistika inqirozini yana-da kuchaytirishi mumkin. Chunki yoqilg‘i taqchilligi avvalo shaharlararo transportga, keyin esa savdo hajmiga taʼsir qiladi.
Eslatib o‘tamiz, sentyabr oyi oxirida Buyuk Britaniya ham yoqilg‘i inqiroziga duch kelgan edi. Mamlakatdagi yoqilg‘i quyish shoxobchalarining yarmiga yaqini yoqilg‘isiz qolgandi.
Bir kun avval Qirollik mamlakatda yoqilg‘i taqchilligi yo‘qligi, unga bo‘lgan talab uch baravar kamaygani, omborlar 45 foizga to‘ldirilgani haqida xabar bergan edi.
