Angela Merkel o‘z faoliyatidagi ikkita eng katta muammo haqida gapirdi
26 oktyabrdan beri Germaniya kansleri vazifasini bajaruvchiga aylangan Angela Merkel o‘z faoliyatidagi ikkita eng katta muammo haqida gapirdi.
Uning taʼkidlashicha, bular 2015 yildagi migratsiya inqirozi, shuningdek, koronavirus pandemiyasidir.
"Koronavirus pandemiyasi boshidanoq menga juda qiyin bo‘lib tuyulgan. 2015 yilda kelgan qochqinlarning katta oqimiga dosh berish ham xuddi shunday qiyin edi", - dedi Merkel.
U vaziyatning murakkabligini ikkala holatda ham inson hayoti haqida gapirayotgani bilan izohladi.
"Ko‘p odamlarga taʼsir qiladigan qarorlar qabul qilish stress va hayajonli bo‘lishi mumkin", - dedi Merkel.
Germaniyaning uzoq muddatli kansleri lavozimidagi qarorlari orasida afsuslanadigan jihatlar ham bor.
U eng muhim qarorlari qatorida Turkiya bilan migratsiya oqimini cheklash bo‘yicha kelishuvni qayd etdi.
“Ushbu kelishuv migratsiyani tartibga solishga katta hissa qo‘shdi, Turkiyaga o‘z hududidagi millionlab suriyalik qochqinlarga g‘amxo‘rlik qilishga yordam berdi”, — dedi Merkel.
Eslatib o‘tamiz, 26 oktyabr kuni Germaniya prezidenti Frank-Valter Shtaynmayer Merkelga o‘z vakolati tugagani haqida xabarnoma topshirgan edi. U dekabr oyida o‘z vorisi tayinlanguncha muvaqqat kansler bo‘lib turadi.
