Samarqand turshagiga xaridor davlatlar ko‘paymoqda: 97 ta korxona turshak eksportini yo‘lga qo‘ygan.
Viloyat bojxona boshqarmasi maʼlumotlariga ko‘ra, bu yil Samarqandda jami 260,87 ming tonna quritilgan o‘rik (turshak) eksport qilingan.
Jumladan, joriy yil boshidan bugunga qadar umumiy qiymati 3669,6 ming dollarlik turshak eksport qilingan.
Samarqand turshagining eng katta xaridori — Ukraina sanaladi. Mazkur mamlakat viloyat tadbirkorlaridan yil davomida bir million tonnaga yaqin (912,2 kg.) turshak xarid qilgan.
Viloyat turshak eksportida qolgan mamlakatlar hissasi quyidagicha:
Rossiya — 393,22 tonna
Belarus — 333,08 tonna
Xitoy — 271,64 tonna
Ozarbayjon —255,6 tonna
Maʼlumot uchun: bugungi kunda Samarqandda 97 ta korxona turshak eksportini yo‘lga qo‘ygan.
Eslatib o‘tamiz, bundan avval xorijga qovun-tarvuz eksporti bo‘yicha yetakchi viloyatlar maʼlum bo‘lgandi.
Shuningdek, O‘zbekiston 40 ta davlatga qariyb 35 ming tonna uzum eksport qilgani haqida xabar berilgandi.
Cho‘lponoy Ahmedova
