AQSHda 5-11 yoshli bolalarni koronavirusga qarshi emlashga rasman ruxsat berildi
Bunda Pfizer-BioNTech vaksinasidan foydalaniladi.
AQSH Kasalliklar nazorati va profilaktikasi federal markazi 5-11 yoshli bolalarni koronavirusga qarshi Pfizer-BioNTech vaksinasi bilan emlashga ruxsat berdi. Bu haqda "TASS" xabar qildi.
Pfizer-BioNTech bolalar uchun maxsus vaksina ishlab chiqqan.
Markaz qo‘mitasi bir ovozdan yuqoridagi vaksinaning ikki dozasi bilan bolalarni emlashga ovoz bergan. 5-11 yoshlilar kattalar qabul qiladigan vaksinaning uchdan bir dozasida emlanishi belgilangan. Ikkinchi doza birinchi emlanishdan 3 hafta vaqt o‘tgach qilinadi. Xabarda aytilishicha, shu haftaning juma kunida Pfizer‘ning bolalar uchun mo‘ljallangan vaksinasi sotuvga chiqariladi.
Oktabr oyida AQSH Sog‘liqni saqlash va ijtimoiy xizmatlar vazirligi ham bolalarni koronavirusga qarshi emlanishiga ruxsat bergandi.
Bundan avval Buyuk Britaniyada ham bolalar koronavirusga qarshi emlanishi mumkinligi xabar qilingandi.
Jahongir Qo'ziyev
