Iroqda ISHIDning yirik rahbarlaridan biri yo‘q qilindi
Iroq razvedkasi bundan avval terrorchilarning bosh moliyachisini qo‘lga olgandi.
Iroq g‘arbida ISHID yetakchilaridan biri yo‘q qilindi. Bu haqda “TASS” xabar berdi.
Maʼlumotlarga ko‘ra, Iroq g‘arbida joylashgan Anbar viloyatida mamlakat razvedka xizmatlari tomonidan ISHID qo‘mondonlaridan biri Abu al-Bara o‘ldirilgan. Shu bilan birga maxsus kuchlar terrorchilarning uch qarorgohini yo‘q qilgan.
Maʼlumot o‘rnida: 2014 yilda ISHID Iroq hududining uchdan bir qismini egallab olgan. Ular mamlakatning yirikligi bo‘yicha ikkinchi shahri bo‘lgan Mosulni o‘zi nazorat qilayotgan hududlarning markazi deb eʼlon qilgan. 2015 yilda AQSH boshchiligidagi xalqaro koalitsiya ISHID‘ga qarshi keng ko‘lamli operatsiya boshlaydi. 2017 yil dekabrida esa Iroq hukumati terrorchilar ustidan g‘alaba qozonilganini eʼlon qildi.
Avvalroq ISHID bosh moliyachisi qo‘lga olingani hamda Iroq bosh vaziriga suiqasd uyushtirilgani xabar qilingandi.
Jahongir Qo'ziyev
