Jahon bozorida oziq-ovqat mahsulotlarining narxi ko‘tarildi
Оktabr oyida oziq-ovqat mahsulotlarining jahon miqyosidagi narxlari so‘nggi o‘n yildagi eng yuqori darajaga ko‘tarildi.
Bu bo‘yicha oxirgi eng yuqori ko‘rsatgich 2011 yilda kuzatilgan.
Tashkilot hisob-kitoblariga ko‘ra, oktyabr oyi yakunida eng ommabop oziq-ovqat mahsulotlari bo‘yicha narxlar indeksining qiymati 133,2 punktga yetgan. Maʼlumot uchun, indeks oxirgi marta 2011 yilda 130 punktdan oshib ketgandi.
O‘tgan oyda oziq-ovqat narxlari 3,9 foizga oshgan. Bunga ko‘p jihatdan don, yog‘ va sut mahsulotlari narxining ko‘tarilishi sabab bo‘lgani aytilmoqda.
2020 yilning o‘rtalaridan boshlab oziq-ovqat narxlarining izchil o‘sishi davom etib, so‘nggi 12 oyda oziq-ovqat narxlari indeksi 30 foizdan ko‘proqqa oshgan.
Bundan oldin oziq-ovqat mahsulotlari va favqulodda yordamga muhtoj insonlar soni besh yil ichida eng yuqori darajaga ko‘tarilgani xabar qilingandi. Qayd etilishicha, 2020 yilda eng kamida 155 million kishi keskin ocharchilik muammosiga duchor bo‘ldi. Bunga nizolar, iqtisodiy qiyinchiliklar, shuningdek, koronavirus pandemiyasi va ekstremal tabiat hodisalari sabab bo‘lgan. Bu ko‘rsatkich 2019 yilga taqqoslaganda 20 millionga ko‘proq hisoblanadi.
Fevral oyida BMT pandemiya sababli global oziq-ovqat tanqisligi xavfi haqida ogohlantirgandi. Tashkilotning taxminiga ko‘ra, koronavirus pandemiyasi oqibatida oziq-ovqat mahsulotlarining narxlari o‘tgan yilga nisbatan oshib ketadi. Bu qashshoq davlatlarning 2021-yilda oziq-ovqat inqiroziga duch kelishi xavfi yana-da orttiradi.
Avvalroq O‘zbekistonda tovar va xizmatlar 5 foizga qimmatlashgani, ayrim oziq-ovqat mahsulotlari qo‘shilgan qiymat solig‘idan ozod etilishi hamda bozorlardagi mahsulotlarning minimal-maksimal narxi eʼlon qilingani haqida xabar berilgandi.
Olamgir Abdiyev
