O‘zbekiston — Janubiy Koreya elektromobil ishlab chiqaradi
Mazkur loyiha doirasida 450 nafardan ortiq ishsiz aholi bandligi taʼminlanishi rejalashtirilgan.
Buxoro shahridagi “Ideal Lift” MCHJ rahbari Janubiy Koreyaning SONGUO MOBILITY INNOVATION CO, LTD. kompaniyasi bilan hamkorlikda viloyatda qiymati 1 milliard 210 million dollarga teng bo‘lgan yiligi 30 ming dona elektromobillar ishlab chiqarishni tashkil loyihasini amalga oshiradi.
“Ideal Lift” MCHJ rahbari Komiljon Qudratov shunday deydi:
“Bu loyiha tashqi bozorda respublikaning milliy manfaatlarini himoya qilish, o‘zbek isteʼmolchilarining manfaatlarini qo‘llab-quvvatlashda muhim ahamiyatga ega ekanligini taʼkidladi”.
Shu bilan birga, ikki kompaniya o‘rtasida loyiha bo‘yicha tayyorgarlik ishlarini boshlash to‘g‘risida bitim, jumladan yuqori texnologiyali uskunalarni yetkazib berish, loyihalashtirish, montaj jarayoni davomida nazorat qilish va elektromobillar ishlab chiqarish nazarda tutilgan shartnoma imzolandi.
Eslatib o‘tamiz, avvalroq dunyodagi eng arzon elektromobil sotuvga chiqqani hamda Toyota ilk bor quyosh paneliga ega bo‘lgan “BZ4X” elektromobilini namoyish qilgani haqida xabar berilgandi.
Cho‘lponoy Ahmedova
