Afg‘onistonda yangi urushdan hech kim manfaatdor emas — Pokiston tashqi ishlar vaziri
Islomobodda Afg‘oniston bo‘yicha uchrashuv bo‘lib o‘tmoqda.
“Tolibon” bilan hamkorlik mintaqaviy xavfsizlikni kuchaytiradi. Bu haqda Pokiston tashqi ishlar vaziri Shoh Mahmud Qurayshiy maʼlum qilgan.
Vazir bu haqda Islomobodda bo‘lib o‘tayotgan Afg‘oniston bo‘yicha “kengaytirilgan uchlik” (Rossiya, AQSH, Xitoy va Pokiston) yig‘ilishida aytib o‘tgan. Uning fikricha, “uchlik” bilan hamkorlik Afg‘onistonda tinchlik va barqarorlikni mustahkamlaydi, iqtisodiy o‘sishga va terrorchilarning mamlakatdagi faoliyatining cheklanishiga olib keladi.
“Yangi urush hech kimga kerak emas”, – degan Qurayshiy.
Shuningdek, u Afg‘oniston iqtisodiy halokat yoqasida turganini taʼkidlagan. Buning eng katta sababi – xalqaro moliyaviy yordamning to‘xtab qolganligidir. Qurayshiyning so‘zlariga ko‘ra, eng avvalo sog‘liqni saqlash tizimiga yordam ko‘rsatish zarur.
“ ‘Tolibon‘ hamkorlikdan manfaatdor. Sababi u xalqaro miqyosda tan olinishga va yordamga muhtoj”, – deb qo‘shimcha qilgan vazir.
Avvalroq bir guruh afg‘on uchuvchilari AQSHga evakuatsiya qilingani hamda Afg‘onistonda Islomobod va Pokiston toliblari o‘rtasida muzokaralar bo‘lib o‘tayotgani haqida xabar qilingandi.
Jahongir Qo'ziyev
