Ozarbayjon va Armaniston TIV rahbarlari urushdan keyingi munosabatlar yaxshilanishi masalasini muhokama qildi
Diplomatlar uchrashuvi Parijda, YXHT vositachiligida tashkil etilgan.
Parijda tashrif bilan bo‘lib turgan Ozarbayjon tashqi ishlar vaziri Jayxun Bayramov Armanistonlik hamkasbi Ararat Mirzoyan bilan uchrashdi. Bu haqda Ozarbayjon TIV matbuot xizmati maʼlum qildi.
Tomonlar Boku va Yerevan o‘rtasidagi munosabatlarni normallashtirish masalasini muhokama qilgan. TIV maʼlumotlariga ko‘ra, uchrashuv YXHT Minsk guruhi — Rossiya, AQSH va Fransiya yordamida tashkil etilgan. Shuningdek, unda YEXHTning amaldagi raisi vakili Andjey Kaspshik ham ishtirok etgan.
"Tashqi ishlar vaziri Bayramov qarama-qarshi tarafga urushdan keyingi Ozarbayjon pozitsiyasi bo‘yicha tushuntirish berdi", — deyilgan Ozarbayjon TIV tarqatgan xabarda.
Maʼlumot o‘rnida: 2020 yil 27 sentyabrda Ozarbayjon va Armaniston o‘rtasida jangovar harakatlar kuchayib, urushga aylanib ketdi. 2020 yil 10 noyabrga kelib Boku, Yerevan va Moskva o‘rtasida uch tomonlama kelishuv imzolandi va harbiy harakatlar to‘xtatildi. Urush yakunida Ozarbayjon Qorabog‘ning katta qismida o‘z suverenitetini tiklashga muvaffaq bo‘ldi.
Avvalroq Qorabog‘da xalqaro aeroport ochilgani to‘g‘risida xabar berilgandi https://zamon.uz/uz-to/detail/ozarbayjon-qorabogda-mustahkamlanmoqda-xalqaro-aeroport-ochildi-dunyo.
Jahongir Qo'ziyev
