Toshkent traktor zavodi dahasigacha yerosti yo‘li quriladi
Yangi yerosti yo‘lini Mirzo Ulug‘bek ko‘chasi yoki Buyuk ipak yo‘li ko‘chasi orqali olib o‘tish ustida ishlanmoqda.
Toshkent metropoliteni “Buyuk ipak yo‘li” bekatidan Toshkent traktor zavodi dahasigacha yerosti yo‘li hamda yerusti halqa metrosining ikkinchi bosqichini amalga oshirish rejalashtirilmoqda.
Boshlang‘ich hisob-kitoblarga ko‘ra, birinchi holatda yo‘l uzunligi 8,6 kilometr, kunlik yo‘lovchilar soni esa 62 ming nafar bo‘ladi.
Ikkinchi variantda masofa qariyb 8 kilometr bo‘lib, kuniga 55 ming kishiga xizmat ko‘rsatilishi mumkin.Mazkur loyihaning qurilish ishlari 5 yilga mo‘ljallangan.
Yerusti metrosining ikkinchi bosqichi Qo‘yliq dahasidan Sergeli yo‘lining 5-bekatigacha quriladi. Bekatlar soni 7 ta bo‘lishi va kuniga 38 ming yo‘lovchi tashilishi kutilmoqda.
Eslatib o‘tamiz, avvalroq So‘nggi 6 oyda metropolitenda qancha yo‘lovchi tashilgani maʼlum bo‘lgani hamda Toshkentdagi metro qurilishida 899 million so‘m talon-toroj qilingani haqida xabar berilgandi.
Cho‘lponoy Ahmedova
