AQSH Pekindagi qishgi olimpiya o‘yinlarini boykot qiladimi?
Bayden bunga aniq javob bermadi.
Jozef Bayden AQSH Pekindagi qishgi olimpiada o‘yinlariga delegatsiya jo‘natish haqidagi savolga aniq javob bermadi.
Bu savol prezidentga uning Nyu-Gempshir aeroportidan uchib ketishidan oldin berilgan. "Delegatsiya menman va men bu masalani hal qildim", — degan Bayden.
AQSH prezidenti administratsiyasi bu masalaga haligacha izoh bergani yo‘q. Oq uy press-puli jurnalistlari Baydenning javobi aniq bo‘lmaganini aytishmoqda. Ular, shuningdek, Bayden savolni shunchaki eshitmagan bo‘lishi mumkinligini ham taʼkidlashgan.
Maʼlumot o‘rnida: may oyida AQSH Kongressi vakillar palatasi spikeri Nensi Pelosi xalqaro hamjamiyatni Pekin olimpiadasini boykot qilishga chaqirgandi. Uning fikricha, dunyoning yetakchi davlatlari Olimpiadaga tashrif buyurishdan tiyilishlari lozim. Ammo AQSH milliy olimpiya qo‘mitasi boykotga qarshi chiqdi. Davlat kotibi Entoni Blinken esa 10 noyabr kuni Vashington olimpiadada ishtirok etish uchun aniq qarorga kelmaganini maʼlum qilgan.
Avvalroq AQSH-Xitoy yetakchilari o‘rtasida onlayn sammit bo‘lib o‘tgani haqida xabar qilingandi.
Jahongir Qo'ziyev
