AQSHda Meta'ga 100 milliard dollarlik daʼvo qo‘zg‘atildi
Kompaniya o‘z algoritmlari bilan jamoatchilikni chalg‘itganlikda ayblanmoqda.
Bu haqda The Wall Street Journal xabar berdi.
Qayd etilishicha, Ogayo prokuraturasi ilgari Facebook nomi bilan tanilgan Meta'ga qarshi 100 milliard dollarlik daʼvo qo‘zg‘atdi. Buning asosiy sababi, “Meta Platforms” kompaniyasining tizimli boshqaruvida bolalarga taʼsir jihati hisobga olinmagani uchun sudga murojaat qildi.
Shtat prokurori Deyv Yots shunday deydi:
“Facebook bolalarimizga g‘amxo‘rlik qilaman va onlayn trollarni yo‘q qilaman deb daʼvo qildi, lekin aslida foyda uchun bu boshqa xatolarni keltirib chiqardi”.
Daʼvo arizasi Meta va Ogayo shtatidagi davlat xizmatchilarining pensiya tizimidagi baʼzi investorlar nomidan qo‘zg‘atilgan. Arizaga ko‘ra, 100 milliard dollardan ortiq zararni qoplash haqidagi iddaolarni ham o‘z ichiga oladi.
Bundan tashqari, daʼvogarlar kelajakda investorlarni chalg‘itmaslik uchun Meta kompaniyasidan platformaga jiddiy o‘zgarishlar kiritishni talab qilmoqda.
Maʼlum bo‘lishicha, 29-apreldan 21-oktabrgacha Facebook va uning rahbarlari qimmatli qog‘ozlar to‘g‘risidagi federal qonunni buzgan. Kompaniya aksiyalar narxini oshirish va aksiyadorlarni aldash maqsadida o‘z mahsulotlarining voyaga yetmaganlarga salbiy taʼsirini hisobga olmagan holda qasddan jamoatchilikni chalg‘itgan.
Maʼlumot uchun: “The Facebook Papers” nomli hujjat bilan ham kompaniyaga bir qancha ayblovlar qo‘yilgandi.
Eslatib o‘tamiz, avvalroq "Facebook" 28-oktabrdan Meta nomini olgani haqida xabar berilgandi.
Cho‘lponoy Ahmedova
