Dam olish kunlari qanday ob-havo kuzatilishi maʼlum qilindi
Yog‘ingarchiliksiz ob-havo saqlanib turadi.
“O‘zgidromet” xabariga ko‘ra, dam olish kunlarida yog‘ingarchiliksiz ob-havo saqlanib turadi, sovuq antitsiklon sharqiy tomonga qarab siljiydi, havo harorati ko‘tariladi.
Qayd etilishicha, bugun kunduz kuni respublika hududi bo‘yicha yog‘ingarchiliksiz ob-havo bo‘lishi kutilmoqda. Kun o‘rtasiga borib havo harorati 5-10 daraja iliqqacha ko‘tariladi.
Ertaga kechasi 1-6 daraja sovuq, kunduz kuni 8-13 daraja iliq bo‘ladi. Yakshanba kuni havo harorati yana-da ko‘tariladi, kechasi harorat 2 daraja sovuq - 3 daraja iliq o‘rtasida bo‘ladi, kunduz kuni 14-17 daraja iliqqacha ko‘tariladi.
