Xonadonida to‘pponcha yasaydigan "tadbirkor" qo‘lga olindi
48 yoshli bu fuqaro avval ham sudlangan.
Bu haqda Toshkent shahar IIB xabar berdi.
Unga ko‘ra, “Xavfsiz hudud” profilaktik tadbirlari davomida oldin sudlangan 48 yoshli A. o‘z uyida qurol yasash bilan shug‘ullangani maʼlum bo‘ldi. Ushbu fuqaroning yashash joyi tekshirilganda, revolver va to‘pponcha topilgan.
Shundan so‘ng, “topilmalar” huquqni muhofaza qilish organlari xodimlari tomonidan ballistika ekspertiza tekshiruviga yuborilgan.
Aniqlanishicha, ekspertiza natijalari fuqaroning xatti-harakatlarini noqonuniy deb topib, JKning “Qurol, o‘q-dorilar, portlovchi moddalar yoki portlatish qurilmalariga qonunga xilof ravishda egalik qilish" bandiga asosan huquqiy baho berildi.
Eslatib o‘tamiz, avvalroq Jizzaxda molxona devori oralig‘idan tarixiy miltiq topilgani hamda uyida giyohvand modda va qurol saqlagan fuqaro ushlangani haqida xabar berilgandi.
Cho‘lponoy Ahmedova
