Buyuk Britaniya dunyodagi harbiy ishtirokini kuchaytirmoqchi
Mamlakat mudofaa vazirligi bu borada maxsus strategiya ishlab chiqqan.
Buyuk Britaniya Germaniyaga yuzlab zirhli texnikalar joylashtiradi. Bu haqda Financial Times xabar berdi.
Bunga Rossiya bilan Ukraina masalasida kelishmovchiliklar sabab bo‘lishi mumkin. Payshanba kuni Britaniya mudofaa vazirligi armiyani keng miqiyosda modernizatsiya qilishga qaratilgan “Kelajak askari” rejasini ishlab chiqdi. Unda Birlashgan qirollikning butun dunyo bo‘ylab harbiy ishtirokini kengaytirish ko‘zda tutilgan.
Bundan tashqari, Germaniya, Keniya va O‘monda yangi yerusti mintaqaviy markazlar tuzish rejalashtirilgan. Xususan, yuzdan ortiq zirhli texnika Germaniyaning Paderborn shahriga joylashtirilishi mumkin. markazlarni tuzishdan ko‘zlangan maqsad – “kerakli vaziyatda darhol javob choralarini ko‘rish”.
Avvalroq Kanada Ukrainadagi harbiy missiyasini kuchaytirmoqchi ekanligi hamda Britaniya Ukrainaga harbiylar jo‘natishi mumkinligi to‘g‘risida xabar qilingandi.
Jahongir Qo'ziyev
