O‘zbekiston Respublikasi prezidenti Ashxobodda Pokiston rahbari bilan uchrashdi
O‘zbekiston va Pokiston Prezidentlari ko‘p qirrali sheriklikni kengaytirish masalalarini muhokama qildilar.
Ashxobod shahrida o‘tayotgan IHT sammiti tadbirlari doirasida O‘zbekiston Respublikasi Prezidenti Shavkat Mirziyoyev Pokiston Islom Respublikasi Prezidenti Orif Alviy bilan uchrashuv o‘tkazgan. Bu haqida prezident matbuot xizmati xabar tarqatdi.
Unda aytilishicha, uchrashuvda O‘zbekiston-Pokiston ko‘p qirrali hamkorligini yana-da kengaytirish masalalari ko‘rib chiqilgan.
Xabarga ko‘ra, sheriklik aloqalari, eng avvalo iqtisodiyot yo‘nalishida jadal rivojlanib borayotgani katta mamnuniyat bilan qayd etilgan.
Davlat rahbarlari, shuningdek, mintaqa kun tartibidagi dolzarb masalalar, shu jumladan, Afg‘onistonda vujudga kelayotgan vaziyatni ham muhokama qilingan.
Avvalroq davlatimiz rahbari Ashxobodga yetib kelgani haqida xabar berilgandi.
