O‘zbekistonda so‘nggi 3 yilda yo‘llar rekonstruksiyasi uchun qariyb 20 trillion so‘mlik mablag‘ sarf qilindi
Shu vaqt davomida 339,7 million dollar mablag‘ o‘zlashtirilib, 497 km. uzunlikdagi umumiy foydalanishdagi avtomobil yo‘llari sementbeton qoplama bilan rekonstruksiya qilingan.
Bu haqda Iqtisodiy taraqqiyot va kambag‘allikni qisqartirish vazirligi Matbuot xizmati xaba berdi https://t.me/MineconomyUz/2135.
Unga ko‘ra, yo‘l xo‘jaligi sohasida amalga oshirilgan islohotlar natijasida respublika hududida 2018–2021 yillar davomida jami 19,8 trillion so‘m mablag‘ hisobiga 45,3 ming kmdan ortiq umumiy foydalanishdagi avtomobil yo‘llari va xo‘jaliklararo ichki yo‘llarda qurish, rekonstruksiya qilish, taʼmirlash va saqlash ishlari olib borilgan.
Jumladan:
A-380 “G‘uzor–Buxoro–Nukus–Beyneu” avtomobil yo‘lining 125 km qismi;
A-373 "M-39 avtoyo‘li–Guliston–Bo‘ka–Angren–Qo‘qon va Andijon orqali–O‘sh" avtomobil yo‘lining Qamchiq dovonidan o‘tgan 58 km qismi sementbeton qoplama qurgan holda rekonstruksiya qilingan;
M-39 “Olmaota–Bishkek–Toshkent–Termiz” avtomobil yo‘lining 115 km qismi asfaltbeton qoplama qurgan holda rekonstruksiya qilingan;
A-373 “Toshkent–O‘sh” avtomobil yo‘lining 208–274 km qismini aylanib o‘tishda Sirdaryo daryosi ustiga 250 km uzunlikdagi ko‘prik qurilgan;
Toshkent viloyatining Qibray va Yuqorichirchiq tumanlaridan o‘tuvchi 19,2 km uzunlikdagi yangi yo‘nalishdagi avtomobil yo‘li qurilgan. Bundan tashqari, sohaga xalqaro moliya institutlari, jumladan, Osiyo taraqqiyot banki, Jahon banki, Saudiya taraqqiyot jamg‘armasining o‘zaro hamkorlik faoliyati jalb qilingan. Shuningdek, Quvayt arab iqtisodiy taraqqiyot jamg‘armasi hamda Islom taraqqiyot banki mablag‘lari ham respublikaning xalqaro koridorlarini rekonstruksiya qilishda ishtirok etadi.
Eslatib o‘tamiz, avvalroq yo‘llar nosozligi haqidagi murojaatlarni qabul qiluvchi maxsus platforma yaratilgani haqida xabar berilgandi.
Cho‘lponoy Ahmedova
