Rossiya Federal хavfsizlik xizmati mamlakatdagi noqonuniy qurol savdosi bilan shug‘ullanadigan ustaxonalar faoliyatini to‘xtatdi
Ularda 350 dan ortiq qurol musodara qilindi.
Bu haqda “TASS” habar berdi.
Xabarga ko‘ra, havfsizlik xodimlari Rossiya Federatsiyasi hududidagi 3 ta yerosti qurol yasovchi ustalar ustaxonasi faoliyatini to‘xtatdi. Ularga nisbatan jinoiy ish ochildi.
Bundan tashqari Federal havfsizlik hizmati Rossiyaning 18 viloyatida 48 ta yashirin qurol ustasini qo‘lga oldi.
Unga ko‘ra, yerosti ustaxonalarida fuqarolik qurollarining jangovar xususiyatlarini tiklash va ularni sotish bilan shug‘ullangan 85 nafar aholining jinoiy harakatlariga chek qo‘yildi.
17 ta yashirin qurollarni modernizatsiya qilish va o‘q-dorilar ishlab chiqarish sexlari tugatildi. Aniqlanishicha, mahalliy va xorijda ishlab chiqarilgan 353 dona o‘qotar noqonuniy qurol muomaladan chiqarildi.
Hisobotda musodara qilingan 29 ta pulemyot, 18 ta avtomat, 224 ta to‘pponcha va revolver, 104 ta karabin, miltiq va ov miltig‘i, shuningdek, 10 ta artilleriya o‘qlari, 14 ta piyodalarga qarshi mina, 30 ta qo‘l granatalari, 11 mingdan ortiq turli patronlar, taxminan 30 kg portlovchi moddalar (porox, trotil), qurollarning asosiy qismlari va komponentlari, ovozsiz otish uchun 12 ta qurilmalar qayd etilgan.
Maʼlum bo‘lishicha, noqonuniy qurol sotuvchilar manzillarida tezkor-qidiruv tadbirlari va tergov harakatlari olib borish bo‘yicha maxsus operatsiya noyabr oyida 30 ta hududda o‘tkazilgan.
Ushbu holat yuzasidan Rossiya Jinoyat kodeksining 222, 223-moddalari bo‘yicha jinoiy ish qo‘zg‘atilgan.
Eslatib o‘tamiz, avvalroq huquq himoyachisi Valentina Chupik Rossiyani tark etib Yerevanga uchuib ketgani haqida xabar berilgandi.
Cho‘lponoy Ahmedova
