Tolibonga BMT Bosh Assambleyasida o'rin berilmaydi
Toliblar ushbu qarorni adolatsiz deb atamoqda.
BMTning maxsus qo‘mitasi Afg‘onistonning BMT Bosh Assambleyasidagi o‘rni hali Afg‘onistonning yangi hukumatiga o‘tkazilmasligi haqida qaror qabul qildi.
Avgust oyida Afgʻonistonni egallab olgan “Tolibon” harakati vakillari bu qarorni adolatsiz deb atadi.
“Ushbu qaror adolat tamoyillariga asoslanmagan, chunki u afgʻon xalqini qonuniy huquqlaridan mahrum qiladi.
Umid qilamizki, yaqin kelajakda bu huquq Afgʻoniston hukumatining BMTdagi vakiliga oʻtadi, toki afgʻon xalqining muammolari yanada samaraliroq hal qilinadi va biz xalqaro hamjamiyat bilan ijobiy munosabatda boʻlamiz. ", dedi Tolibon tomonidan harakatning BMTdagi doimiy vakili etib koʻrsatilgan Suhayl Shohin o'z Twitter sahifasida.
Shu bilan birga, Afg‘oniston sobiq vitse-prezidenti Amrullo Solih Tolibon vakillariga BMTda joy bermaslik qarorini olqishladi.
Avvalroq Rossiyaning uchta harbiy samolyoti fuqarolarni evakuatsiya qilish va gumanitar yordan yetkazib berish uchun uchib ketgan edi.
Shuningdek, Tolibon Yevroittifoqdan aeroportlar masalasida yordam so'ragani xabar qilingan edi.
