Hindistonda harbiylarning xatosi bilan 13 kishi otib tashlandi
Ular orasida 1 nafar Xavfsizlik kuchlari aʼzosi ham halok bo‘lgan.
Aniqlanishicha, HXK mahalliy isyonchilarga qarshi operatsiya o‘tkazishni rejalashtirgan. Biroq ular yaqin atrofda joylashgan “Oting” qishlog‘i aholisini isyonchilar deb o‘ylab otib tashlagan.
Hindiston shimoli-sharqidagi Nagaland shtatida o‘tkazilgan harbiy amaliyotda kamida 13 nafar tinch aholi o‘ldirildi. Bu haqda NDTV xabar qildi.
Bunday vaziyatda, atrofdagi boshqa qishloq aholisi harbiylarga hujum qilib, mashinalarini yoqib yuborishgan. Manbaga ko‘ra, "o‘zini himoya qilish maqsadida” o‘t ochgan harbiylar yana bir nechta fuqaroning o‘limiga sababchi bo‘lgan.
Hindiston ichki ishlar vaziri Amit Shoh o‘zining “Twitter”dagi sahifasida halok bo‘lganlarning oila aʼzolariga hamdardlik bildirdi.
Hozirda davlat komissiyasi “baxtsiz hodisa” bo‘yicha chuqur tekshiruv o‘tkazishni boshlagan.
Avvalroq Malida qurollangan shaxslar mahalliy bozorga odamlarni olib ketayotgan avtobusga hujum qilib odamlarni o‘qqa tutgani va oqibatda 31 kishi halok bo‘lgani haqida xabar berilgandi.
Nasiba To‘xtayeva
