Ukraina Belarus havo chegaralari buzilgani haqidagi maʼlumotlarni rad etdi
Улар бу ҳақида расмий маълумот олмаганини айтган.
Maʼlum bo‘lishicha, Ukraina Davlat chegarasini qo‘riqlash xizmati mamlakat samolyoti Belarus bilan davlat chegarasini noqonuniy kesib o‘tgani haqidagi xabarlarni rad etdi.
Bu haqda departament spikeri Andrey Demchenko maʼlum qildi.
Uning UNN agentligiga bergan izohida:
“Ukrainalik uchuvchilarning Belarus Respublikasi havo hududini noqonuniy kesib o‘tgani haqidagi maʼlumotlar haqiqatga to‘g‘ri kelmaydi. Bunday holat qayd etilmagan” deyiladi.
Qayd etilishicha, Departament vakili, Kiyevga “Belarus Davlat chegara qo‘mitasidan havo hududi buzilganligi haqidagi rasmiy xabar” olmaganini taʼkidladi.
Ammo Belarus Davlat chegara qo‘mitasi Ukrainaning Mi-8 harbiy vertolyoti mashg‘ulotlar chog‘ida chegarani buzib, Belarus hududiga 1 km chuqurlikka uchib o‘tganini eʼlon qilgan.
Maʼlumki, Belarusning Polsha, Latviya va Litva bilan chegaralarida joriy yil boshidan buyon migrantlar oqimi ko‘payib, inqiroz yuzaga keldi va bu 8 noyabrda kuchaydi.
Bir necha ming kishi Belarus tomondan Polsha chegarasiga kelib, qo‘shni hududga o‘tishga harakat qilgan. Muhojirlar bilan bog‘liq mavjud vaziyat munosabati bilan Ukraina kuch tuzilmalari Belarus bilan chegaraga qo‘shimcha bo‘linmalari ishtirokida chegara hududlarida mashg‘ulotlar o‘tkazmoqda.
Maʼlumot o‘rnida: Ukraina Belarus bilan chegarani yopishni taklif qilgandi. Lukashenko esa AQSHning Ukrainadagi o‘quv markazlari niqobi ostida aslida NATO bazalarini yaratayotganini bildirgandi.
Avvalroq Yevropa Ittifoqining qochqinlar borasidagi g‘oyalari puchga chiqqani haqida xabar berilgandi.
Cho‘lponoy Ahmedova
