AQSh: Xitoy Afrikada yana bir harbiy baza quradi
Bu esa Oq uyni tashvishga solmoqda.
Ushbu baza yordamida Xitoy kemalari Ekvatorial Gvineyadagi zaxiralarni to‘ldirishi mumkin bo‘ladi.
Amerika razvedka xizmatlari Xitoyning Afrikaning Atlantika sohillarida harbiy-dengiz bazasini qurish niyatida ekanligini taxmin qilmoqda, bu XXRning qit'adagi ikkinchi harbiy ob'ektiga aylanadi. Bu haqda "The Wall Street Journal" hukumatdagi manbalarga tayanib xabar berdi.
Ma’lumotlarga ko‘ra, ushbu baza yordamida Xitoy kemalari Ekvatorial Gvineyadagi zaxiralarni to‘ldirishi mumkin bo‘ladi, bu esa Oq uy va Pentagonni xavotirga solmoqda. AQSh hukumatining taxminicha, Xitoy savdo porti mavjud bo'lgan Bata shahriga bazasini joylashtirishi mumkin. XXR hozirda Jibutida harbiy bazasiga ega.
Noyabr oyida Pentagon Pekinning harbiy qudrati haqidagi hisobotida Xitoy qator shtatlarda harbiy bazalar va boshqa obyektlar tashkil etish niyatida ekanini edi. Pentagon ma'lumotlariga ko'ra, XXR Xitoy xalq ozodlik armiyasini joylashtirish uchun bir qator davlatlarni, jumladan Kambodja, Myanma, Tailand, Singapur, Indoneziya, Pokiston, Shri-Lanka, Birlashgan Arab Amirliklari, Keniya, Seyshel orollarini ko'rib chiqdi.
Shuningdek, AQSh Tinch okeanidagi harbiy bazalarini kuchaytirmoqchi ekanini ma’lum qilgan.
Avvalroq Pentagon Rossiyani AQSH va Yevropa uchun asosiy tahdid sifatida baholagani to‘g‘risida xabar qilingan edi.
Nasiba To'xtayeva
