O‘zbekistonga Qozog‘iston hududidan sovuq havo kirib kelmoqda
“O‘zgidromet” haftalik ob-havo maʼlumotini eʼlon qildi.
Bugun respublika hududi bo‘yicha quruq va o‘rtacha iliq ob-havo bo‘lishi kutilmoqda, havo harorati 9-14 daraja iliqni tashkil etadi. Bu haqda “O‘zgidromet” xabar berdi.
Aytilishicha, seshanba va chorshanba kunlari Qozog‘iston hududidan nisbatan sovuq havo kirib keladi, bu faqat O‘zbekiston harorat foniga taʼsir qiladi. Ushbu kunlarda harorat kechalari 0-5 daraja iliq, kunduz kunlari 9-14 daraja iliq atrofida saqlanib turadi.
Payshanba va juma kunlari Erondan iliq havo kirib kelishi kutilmoqda. Havo harorati kechalari 0-5 daraja iliq, baʼzi joylarda 2 daraja sovuqqacha atrofida bo‘ladi, kunduz kunlari 15-17 daraja iliqqacha ko‘tariladi.
8-dekabrda shimoliy tumanlarda, 9-10 dekabrda O‘zbekistonning qolgan hududlarida shamol tezligi 15-20 m/s gacha kuchayishi mumkin. Tuman tushishi mumkin.
Eslatib o‘tamiz, avvalroq janub va vohada havo haroratining maksimumlari +21 darajagacha ko‘tarilishi hamda O‘zbekiston hududida anomal sovuq kuzatilishi haqida xabar berilgandi.
