"2021 yil matbuot erkinligi himoyachilari uchun og‘ir yil" — CPJ
Xitoy yana dunyodagi eng ko‘p jurnalistlar qamoqqa olingan davlat bo‘ldi.
Jurnalistlarni himoya qilish qo‘mitasi(CPJ) Xitoy kommunistik rejimini ketma-ket uchinchi yilda dunyodagi eng yirik jurnalistlar nazoratchisi/qamoqxonasi sifatida yana bir bor eʼtirof etdi. Tashkilot 2021-yilni “matbuot erkinligi himoyachilari uchun og‘ir yil”, — deb atadi.
Pekinda munozarali Qishki Olimpiada o‘yinlari yaqinlashib kelayotgani va inson huquqlarining yo‘qligi haqidagi xalqaro tanqidlar kundan-kunga kuchayib borayotgan bir paytda, Xitoyni jurnalistlarning dunyodagi yetakchi taʼqibchisi sifatida qayta eʼlon qilgan CPJ hisoboti qo‘shildi.
CPJ Xitoyni mahbuslar soni eng ko‘p bo‘lgan mamlakat sifatida belgilaganiga qaramay, o‘tgan yili dunyo bo‘ylab qamoqxonalardagi mahbuslar sonining ko‘payishidan xavotir bildirgan edi.
U sobiq ozod Gonkongda jurnalistlarga nisbatan tazyiqlar kuchayib borayotgani, hukumatning COVID-19 pandemiyasiga qarshi mamlakatda noto‘g‘ri munosabatda bo‘lganini hujjatlashtirishga urinayotgan xitoylik jurnalistlarning g‘oyib bo‘lishi va Sharqiy Turkistonda uyg‘ur xalqiga nisbatan davom etayotgan genotsidni eʼtibordan chetda qoldirmadi.
2020-yilda Xitoy yirik davlat apparatida Gonkongning yarim avtonom shahrida odamlar ustidan mutloq nazorat qilish huquqini beruvchi “milliy xavfsizlik qonuni”ni qabul qilganidan keyin Gonkongdagi taʼqiblar keskin kuchaydi.
Bu qonun “terrorizm”, “chet el aralashuviga daʼvat qilish” yoki “hukumat hokimiyatiga putur yetkazish”da aybdor deb topilgan har bir kishi uchun kamida o‘n yillik qamoq jazosini talab qiladi. Bu qoidalarning barchasi juda noaniq va har qanday dissidentga osonlik bilan qo‘llanilishi mumkin.
Maftuna Rejabboyeva
