Rossiyada hibsga olingan shaxs politsiyaning yuz va ko‘z qismiga tupurib, so‘ng OIV va Sil kasaligining og‘ir turi bilan kasallanganini aytgan
Politsiya xodimi yuzini qorda yuvguncha u juftakni rostlagan.
Maʼlumotlarga ko‘ra politsiya bo‘limiga bir guruh giyohvandlar ko‘p qavatli uy yonida to‘planib, kimgadir moddalarni isteʼmol qilishga majbur qilishayotgani haqida qo‘ng‘iroq bo‘lgan. Politsiya darhol voqea joyiga otlangan.
Biroq politsiya voqea joyiga yetib kelganda у yerda faqatgina Vladimir ismli mast erkakning o‘zi bo‘lgan. Politsiya xodimi yolg‘on xabar bo‘lgani haqida dalolatnoma to‘ldirib unga qo‘l qo‘ydirayotgan vaqtida Vladimir politsiyachining ko‘ziga tupurgan va unga OIV va sil kasalligining og‘ir bosqichida ekanligini, sanoqli umri qolganini aytgan.
Dahshatga tushgan politsiya xodimi yugurib borib yo‘l chetida erimay qolgan qorni yuz va ko‘ziga ishqalay boshlagan. Bu vaqt Vladimir politsiyachining mashinasiga o‘tirib xotirjamlik bilan jo‘nab ketgan.
Keyinchalik patrul mashinasi yo‘l chetida bir necha joyi urilgan xolda topilgan.
Avvalroq, Samolyotda bezorilik qilgan erkak bog‘lab qo‘yilgani hamda Rossiyaning Viborg shahrida 6 nafar mast o‘zbekistonlik ikki politsiyachiga tashlangani xaqida xabar berilgandi.
Munojat Valiyeva
