“Tashqi mehnat migratsiyasi to‘g‘risida”gi qonun loyihasi tasdiqlandi
Endilikda mehnat migrantlarining daromadlari ikki tomonlama soliqqa tortilmaydi.
Qonun loyihasining maqsadi:
— tashqi mehnat migratsiyasi sohasidagi munosabatlarni qonun darajasida mustahkamlash;
— xalqaro hujjatlardagi qoidalarning xususan, majburiy mehnatga, migrantlarning sog‘lig‘iga ziyon yetkazuvchi sharoitlarda ishlash uchun jalb etishga yo‘l qo‘ymaslik kabi qoidalarni milliy qonunga implementatsiya qilish;
— tashqi mehnat migratsiyasi sohasidagi davlat organlari va nodavlat notijorat tashkilotlarining vakolatlarini belgilash;
— fuqarolarning mamlakat tashqarisidagi faoliyatini tashkil etish, ularni uyushgan holda ishga joylashtirish hamda chet ellik fuqarolarni O‘zbekistonda mehnat qilish uchun jalb etishning huquqiy mexanizmlarini belgilash.
Maʼlumot uchun: 2019-yilda Tashqi mehnat migratsiyasining huquqiy asoslarini takomillashtirish maqsadida "Tashqi mehnat migratsiyasi to‘g‘risida"gi qonunni qabul qilish taklifini bildirilgandi.
Eslatib o‘tamiz, avvalroq davlat funksiya-vakolatlarini xususiy sektorga o‘tkazish tartibi belgilanganligi hamda o‘z-o‘zini tartibga soluvchi tashkilotlar faoliyati qonuniylashtirilishi haqida xabar berilgandi.
Cho‘lponoy Ahmedova
