Iroq shimolidagi kuchli yog‘ingarchilikda 8 kishi halok bo‘ldi

Erbil viloyatidagi Daratu, Qushtapa, Shamamk, Roshinbiri va Bahrka tumanlari yomon ob-havodan eng ko‘p zarar ko‘rgan.

 

Oqibatda turar-joy binolari suv ostida qoldi. Ijtimoiy tarmoqlarda suv bosgan ko‘chalar, vayron bo‘lgan binolar va mashinalar aks etgan kadrlar paydo bo‘lmoqda.

 

Dastlabki maʼlumotlarga ko‘ra, sel 8 kishining hayotiga zomin bo‘lgan. Shuningdek, 7 kishi sel, 1 kishi yashin urishi oqibatida vafot etgan. Bir necha kishi turli darajada jarohat olgan. 

 

Suv hali ham yetib borishi sababli qurbonlar soni ortishi mumkin. Toshqinni nazorat qilish chog‘ida bir necha qutqaruvchi jarohatlangan.

 

Kurdiston Bosh vaziri Masrur Barzaniy bu vaziyatga quyidagicha baho berdi:

 

“Men hukumat idoralariga jabrlangan hududlarga zudlik bilan yordam ko‘rsatish haqida ko‘rsatma  berdim”.

 

Erbil gubernatori avtomobil egalarini transport vositalaridan foydalanmas, xususan, avtomobil yo‘llarida harakatlanmaslikka chaqirgan. Yaqin kunlarda yana yomg‘ir yog‘ishi kutilmoqda. Bu vaziyat sezilarli darajada yomonlashishini anglatadi. Erbil viloyatida tez-tez kuchli suv toshqinlari kuzatiladi.

 

Maʼlumot uchun: oktyabr oyi oxirida, 2021 yildagi birinchi kuchli yomg‘irdan keyin asosiy magistrallarni suv bosdi. 600 ta uyga zarar yetgan.

 

Natijada, yo‘llar balchiqqa botgan, sel mashinalar va avtobuslarni oqizib ketgan.

 

Eslatib o‘tamiz, avvalroq kuchli yomg‘ir sababli Turkiyaning ayrim hududlarini suv bosgani  hamda Xitoyda suv toshqinlari oqibatida 15 kishi halok bo‘lgani haqida xabar berilgandi.

 

Cho‘lponoy Ahmedova