Pandemiya yana qancha davom etadi?
AQSHning Pfizer kompaniyasi bu bo’yicha o’z prognozlarini ma’lum qildi.
AQSHning Pfizer farmasevtika kompaniyasi COVID-19 pandemiyasi 2024 yilgacha cho‘zilishi mumkinligini e’lon qildi. Bayonotda, shuningdek, 2 yoshdan 4 yoshgacha bo‘lgan bolalar uchun past dozali vaksinaning klinik sinovlarida kutilganidan zaifroq himoya natijasini ko‘rsatgani ta’kidlangan.
2 yoshdan 4 yoshgacha bo‘lgan bolalar uchun sinov tadqiqotlarida olingan zaif himoya natijalari, vaksinani tasdiqlashni kechiktirdi.
Pfizer rasmiysi Mikayel Dolsten investorlarga taqdimotida, koronavirus pandemiyasi dunyoning ba’zi qismlarida hozirgi vaziyatda bo‘lgani kabi yana bir yoki ikki yil davom etishini kutishlarini, boshqa mamlakatlarda esa pandemiyaning "endemik" holatga o‘tishini taxmin qilinayotganini ma’lum qildi.
BioNTech bilan birgalikda COVID-19 vaksinasini ishlab chiqargan Pfizer, 2024 yilga kelib pandemiya global miqyosda endemik darajaga yetishini bashorat qildi:
"Buning aniq qachon va qanday sodir bo‘lishi kasallikning rivojlanishi, jamiyat emlashni qanchalik samarali amalga oshirayotgani va emlash darajasi past bo‘lgan joylarga vaksinaning adolatli taqsimlanishiga bog‘liq bo‘ladi. Yangi shtammlarning paydo bo‘lishi pandemiya jarayoniga ham ta’sir qilishi mumkin".
Pfizer'ning pandemiya yana bir yoki ikki yil davom etishi haqidagi bayonoti, Yevropaning ko‘plab mamlakatlari Omikron shtammi tufayli yangi to‘lqinga duch kelgan va uni oldini olish choralari ko‘rilayotgan bir paytga to‘g‘ri keldi.
