Xitoyning eng keksa ayoli vafot etdi
U 135 yoshda bo‘lgan.
Xitoyning eng keksa fuqarosi Alimixan Seyti 135 yoshida vafot etdi. Ayolning o‘limi haqida "Sinxua" axborot agentligi xabar berdi.
Alimixon Seyt 1886 yil 25 iyunda tug‘ilgan. U Xitoyda eng ko‘p umr ko‘ruvchi ayol sifatida shuhrat qozongan. Ayol uchun har yili bepul tibbiy ko‘riklar tashkil etilgan. Imtiyozlar va individual dori-darmonlar berilgan. Har oyda davlat tomonidan ajratilgan maʼlum miqdorda mablag‘ olgan. Ayol juda oddiy hayot kechirgan va deyarli alohida ko‘rsatiladigan g‘amxo‘rlikka muhtoj bo‘lmagan. Ayol shu yoshida ham g‘ayratli aa mehnatsevar bo‘lgan.
Taʼkidlanishicha, ayolning ishtahasi ham zo‘r bo‘lgan, u har kuni turli taomlarni tanovul qilishni yaxshi ko‘rgan. O‘zi ham bemalol shirin taomlar tayyorlay olgan.
Nabirasining so‘zlariga ko‘ra ayol hovlisida qo‘shiq aytishni va quyoshda toblanishni yaxshi ko‘rgan. Har doim quvnoq bo‘lgan, ko‘p kulgan. Sog‘lom turmush tarziga amal qilgan.
Avvalroq, Sankt -Peterburgning eng keksa aktrisasi vafot etgani hamda 106 yoshli keksa ayol koronavirusning “delta” shtammidan tuzalgani haqida xabar berilgandi.
Munojat Valiyeva
