“Uzbekistan Airways”ning Hindistonga parvozlari soni ko‘paymoqda
Mazkur parvozlar har hafta 2 marotaba amalga oshiriladi.
2021 yilning 24 dekabridan boshlab, aviakompaniya Toshkent – Dehli – Toshkent yo‘nalishi bo‘yicha parvozlarni haftaning seshanba va juma kunlari amalga oshiradi.
Parvozlar quyidagi jadval asosida o‘z manziliga uchadi:
• HY 421 Toshkent – Dehli (Toshkent vaqti bilan): jo‘nab ketish 02:15, manzilga yetib borish 05:45;
• HY 422 Dehli – Toshkent (Dehli vaqti bilan): jo‘nab ketish 08:15, Toshkentga yetib kelish 10:45;
Ushbu yo‘nalish bo‘yicha bir tomonga aviachiptalar narxi 2 million 282 ming 850 so‘m (bagajsiz) va 2 million 612 ming 459 so‘m (bagaj bilan).
Borish va qaytish bo‘yicha aviachiptalar 3 million 922 ming 586 so‘m (bagajsiz) va 4 million 435 ming 311 so‘m (bagaj bilan birga).
Chipta narxlari 17 dekabr holatiga ko‘ra amal qiladi.
Aviachiptalarni aviakompaniyaning rasmiy saytidan, “Uzbekistan Airways sales” filialidan yoki aviakompaniya agentlaridan xarid qilish mumkin.
Maʼlumot uchun: aviakompaniyaning rasmiy sayti orqali aviachipta xarid qilib olayotganda 3 foizli chegirma taqdim etiladi.
Eslatib o‘tamiz, avvalroq “Uzbekistan Airways"da ayrim parvozlar bir necha soatga kechiktirilgani hamda “Uzbekistan Airways” mamlakat ichiga qo‘shimcha qatnovni yo‘lga qo‘yishi haqida xabar berilgandi.
Cho‘lponoy Ahmedova
