“Poyabzal fabrikasi” auksionga qo‘yildi
Bu haqda MIBning jamoatchilik bilan aloqalar va huquqiy axborot bo‘limi boshlig‘i Farrux Toshpulatov Zamon.uz'ga maʼlum qildi.
Fuqarolik ishlari bo‘yicha Xo‘jaobod tumanlararo sudining 15.09.2021 yildagi ijro hujjatiga asosan qarzdor masʼuliyati cheklangan jamiyatdan ATIB “Ipak yo‘li” Andijon filiali foydasiga jami 244 275,21 AQSH dollari, 1 672 460 874,26 so‘m miqdoridagi qarzdorlik undirish belgilangan.
Sudning mazkur hujjati Majburiy ijro byurosining Xo‘jaobod tuman bo‘limi ish yurituviga kelib tushgan bo‘lib, bo‘lim davlat ijrochisi tomonidan qonunda belgilangan tartibda ijro harakatlari olib borilgan.
Ijro harakatlari davomida 11.11.2021 yilda kredit shartnomasiga asosan garovga qo‘yilgan qarzdor jamiyatga tegishli bo‘lgan, Paxtaobod tumanida 3089,52 kv.metr yer maydonida joylashgan “Poyabzal fabrikasi” bino-inshootlari ro‘yxatga olinib, xatlandi.
“Poyabzal fabrikasi” bino-inshootlari “E-IJRO AUKSION” yagona elektron savdo maydonchasi orqali savdoga chiqarilgan bo‘lib, binoning boshlang‘ich sotuv bahosi 3 155 495 120 so‘m etib belgilangan.
Munojat Valiyeva
