Lira “quladi” – undan foydalanmaslik xato

 

Gretsiya va Bolgariya aholisi turk lirasining qulashi fonida qo‘shni Turkiyaga xarid qilish uchun avtobus va mashinalarda  borishmoqda. Mamlakat iqtisodiy inqirozni boshidan kechirmoqda, inflyatsiya 21 foizdan oshdi, bu oziq-ovqat, yoqilg‘i va uy-ro‘zg‘or buyumlari narxida o‘z aksini topmoqda. Bundan esa  xorijliklar foydalanib qolmoqda.  

 

“Bu yerda xarid qilish men uchun qulayroq, men Yangi yil uchun kiyim-kechak, oziq-ovqat va bolalar uchun zarur bo‘lgan hamma narsani sotib olaman. Bolgariyada hamma narsa bu yerdan ancha qimmat. Men 500 levani liraga  almashtirdim, bu  hammasiga  yetadi”, – deydi Bolgariyadan kelgan sayyoh Gulfi Osinova.

 

Ma'lumot uchun: 20-dekabr kuni turk valyutasi AQSH dollariga nisbatan 18 lira 36 kurushni tashkil qilib, tarixdagi eng past darajaga yetdi. Shundan keyin Turkiya prezidenti Rajab Toyyib Erdo‘g‘on liradagi depozitlarni valyuta kursining o‘zgarishidan himoya qilish uchun yangi moliyaviy vositalarni e’lon qilganidan keyin u asta-sekin tiklana boshladi. Yil davomida turk valyutasi dollarga nisbatan taxminan 40% qiymatini yo‘qotdi. 

 

Eslatib o‘tamiz, 2022-yilning fevral-mart oylarida Rossiya, Turkiya va Eron pandemiya masalasida sammit o‘tkazishi xabar qilingan edi.