Yangi yilda bizni qanday ob-havo kutyapti?
Kelayotgan yanvar oyida O‘zbekistonda iliq harorat bo‘lishi prognoz qilindi.
Rosgidrometning uzoq muddatli ob-havo prognozi e’lon qilindi. Boshqarma mutaxassislari Markaziy Osiyo mamlakatlarida yanvar oyida o‘rtacha oylik havo harorati iqlimiy me’yordan 1,5 daraja yuqori bo‘lishini aytishmoqda. Shu davrda yog‘ingarchilikning me’yor atrofida bo‘lishi kutilmoqda.
Ma’lumot uchun: O‘zbekistondagi eng iliq qish 2016-yilga to‘g‘ri keladi. Shu yil respublikadagi butun meteorologik kuzatuvlar tarixi davrida eng iliq yil deb qayd etilgan.
Shuningdek, so‘nggi 10 yil ichida dekabr oyida eng sovuq harorat -15 daraja sovuq bo‘lgani qayd etilgan (5-dekabr 2002-yil). Eng issiq harorat esa +23 daraja iliqni tashkil qilgan (14-dekabr 2010-yil).
