Hafta boshida ayrim hududlarda yomg‘ir yog‘adi

 

O‘zgidromet 2-yanvar soat 20.00 dan 3-yanvar soat 20.00 gacha bo‘lgan ob-havo prognozini ma’lum qildi. Unga ko‘ra, ayrim hududlarda yomg‘ir yog‘adi, ayrim joylarda esa tuman tushishi mumkin.

 

Toshkent shahrida havo o‘zgarib turadi, kechasi va ertalab yomg‘ir yog‘adi, kunduzi yog‘ingarchilik kutilmaydi. Harorat kechasi 3-5 daraja, kunduzi 13-15 daraja iliq bo‘ladi.

 

Qoraqalpog‘iston Respublikasi va Xorazm viloyatida yog‘ingarchilik kutilmaydi. Ba’zi joylarga tuman tushishi mumkin. Harorat kechasi 0-5 daraja sovuq, kunduzi 0-5 iliq bo‘ladi.

 

Buxoro va Navoiy viloyatlarida biroz yomg‘ir yog‘ishi mumkin. Tuman tushishi mumkin. Ba’zi joylarda shamol 18-23 m/s gacha kuchayishi mumkin. Harorat kechasi 2-7 daraja, kunduzi 11-16 daraja iliq bo‘ladi. Navoiy viloyati cho‘l hududlarining shimolida kechasi 0-5 daraja sovuq, kunduzi 0-5 daraja iliq bo‘ladi.

 

Toshkent, Samarqand, Jizzax va Sirdaryo viloyatlarida biroz yomg‘ir yog‘ishi va tuman tushishi mumkin. Harorat kechasi 2-7 daraja, kunduzi 11-16 daraja iliq bo‘ladi.

 

Qashqadaryo va Surxondaryo viloyatlarining ba’zi joylarida biroz yomg‘ir yog‘ishi va tuman tushishi mumkin. Harorat kechasi 2-7 daraja, kunduzi 12-17 daraja iliq bo‘ladi.

 

Andijon, Namangan va Farg‘ona viloyatlarida yog‘ingarchilik kutilmaydi. Ba’zi joylarga tuman tushishi mumkin. Harorat kechasi 0-5 daraja sovuq, kunduzi 5-10 daraja iliq bo‘ladi.

 

Respublikaning tog‘li hududlarida havo o‘zgarib turadi, ba’zi joylarda yog‘ingarchilik (yomg‘ir, qor) bo‘ladi, tuman tushishi mumkin. Harorat kechasi 3 daraja sovuq, 2 daraja iliq, kunduzi esa 2-7 daraja iliq bo‘lishi kutilmoqda.

 

Javohirbek Tursunov