Trampni sudga berish kerak – Eron prezidenti
Raisiy, shuningdek, sobiq davlat kotibi Mayk Pompeoni ham javobgarlikka tortishni talab qildi.
Eron prezidenti Ibrohim Raisiy marhum general Qosim Sulaymoniy o‘limi uchun Trampni sudga berish kerakligini maʼlum qildi. Bu haqda u Sulaymoniy xotirasiga uyushtirilgan mitingda aytib o‘tgan.
“ AQSH sobiq prezidenti Donald Tramp va sobiq Davlat kotibi Mayk Pompeoni sudga berish kerak va ular amalga oshirgan jinoyatlari uchun javob berishi lozim. Agar adolat qaror topmas ekan, Eron xalqi tomonidan qasos olinadi”, – degan siyosatchi.
U marhum generalni “buyuk sarkarda” deb atagan.
Maʼlumot o‘rnida: general Qosim Sulaymoniy uzoq yillar davomida Islom Inqilobi qo‘riqchilari korpusining “Al-Quds” maxsus kuchlariga rahbarlik qilgan. 2020 yil 3 yanvar kuni u Bag‘dodda AQSH harbiy-havo kuchlarining uchuvchisiz qurilmasi yordamida o‘ldirilgan.
Avvalroq Eron muvaffaqiyatsiz raketa sinovi o‘tkazgani
Jahongir Qo‘ziyev
