Toshkent viloyatida zamonaviy kinoshahar tashkil etiladi
Loyihani amalga oshirish uchun 50 gektar yer maydoni ajratiladi.
2022-yilda Toshkent viloyatining Bo‘stonliq tumanida kinoshahar tashkil etiladi. Bu haqda Yangi O‘zbekistonning 2022–2026 yillarga mo‘ljallangan taraqqiyot strategiyasida ma’lum qilingan.
Ma’lum qilinishicha, xorijiy kinokompaniyalar va kinostudiyalarni mamlakatga jalb etish maqsadida yer maydoni 50 gektardan kam bo‘lmagan zamonaviy kinoshahar tashkil etish rejalashtirilmoqda.
2022-yilning sentabriga qadar kinoshaharlarni tashkil qilish va faoliyatini yo‘lga qo‘yish bo‘yicha xorijiy mutaxassislar va tashkilotlarni jalb qilgan holda jahon tajribasini o‘rganish va natijalari bo‘yicha kinoshahar konsepsiyasi ishlab chiqiladi.
Javohirbek Tursunov
