Maktabgacha ta’lim muassasalarida ham karantin choralari kuchaytirildi
Endi muassasada bayram tadbirlari va yig‘ilishlar o‘tkazilmaydi.
Yurtimizga Koronavirusning “Omicron” shtammi kirib kelishi munosabati bilan Maktabgacha ta’lim vazirligi quyidagilarni ma’lum qilgan:
– Davlat maktabgacha ta’lim tashkilotlarida "COVID-19 pandemiyasi davrida maktabgacha ta’lim tashkilotlarining ish faoliyatiga qo‘yiladigan vaqtinchalik sanitariya-gigiyenik talablar"ga qat’iy rioya etiladi;
– davlat maktabgacha ta’lim tashkilotlarida bayram tadbirlari o‘tkazilishi vaqtinchalik cheklanadi;
– ota-onalar va tashqaridan mehmonlar kirishiga yo‘l qo‘yilmaydi (zarur vaziyatlarda so‘nggi uch kunlik PSR testi va emlanganligi haqida sertifikati bo‘lishi lozim);
– yig‘ilishlar o‘tkazilishi cheklanadi, zarur hollarda yig‘ilishlarni videokonferensaloqa rejimida o‘tkazish choralari ko‘riladi;
– mazkur cheklovning buzilishiga yo‘l qo‘yilgan taqdirda tegishli tartibda javobgarlik choralari (hayfsan, jarima va b.q.) qo‘llaniladi.
