Yevroittifoq Rossiyaga qarshi iqtisodiy sanksiyalarni yana uzaytirdi
Cheklov choralari 6 oyga, 2022-yil 31-iyulgacha uzaytirilgan.
Yevropa Ittifoqi Ukraina suvereniteti va hududiy yaxlitligiga putur yetkazuvchi harakatlar uchun Rossiyaga nisbatan qo‘llangan iqtisodiy sanksiyalarini yana olti oyga uzaytirdi.
“Kengash Rossiya iqtisodiyotining alohida tarmoqlariga qaratilgan cheklov choralarini 6 oyga, 2022-yil 31-iyulgacha uzaytirishga qaror qildi”, — deyiladi xabarda.
Qaror Donbassdagi kelishuv bo‘yicha Minsk kelishuvlarining bajarilishini baholash natijalari asosida qabul qilindi.
Yevropa Ittifoqining iqtisodiy sanksiyalari 2014-yilning 31-iyulida joriy qilingan va shundan beri muntazam ravishda uzaytirilib kelinmoqda.
AQSh Senati Rossiyaning Ukrainaga bostirib kirishi munosabati bilan joriy etiladigan Rossiyaga qarshi yangi sanksiyalar to‘g‘risidagi qonun loyihasini taqdim etdi. Sanksiyalar Rossiyaning yuqori siyosiy va harbiy rahbariyatiga, moliya institutlariga, tog‘-kon sanoati va “Shimoliy oqim-2" gaz quvuri loyihasiga ta’sir qiladi.
