AQSh: "Rossiyaga nisbatan keyingi qadamimiz Moskvaning harakatiga bog’liq"
Oq uy Rossiyaga nisbatan jiddiy choralar ko’rishga tayyorligini ma’lum qildi.
AQSh prezidenti ma'muriyati kelgusi hafta boshida Rossiyaga nisbatan keyingi diplomatik qadamlar haqida ma'lumot beradi. Bu haqda AQSh prezidentining milliy xavfsizlik bo‘yicha maslahatchisi Jeyk Sallivan ma’lum qildi, deb xabar qiladi CBS telekanali.
"Biz ittifoqchilarimiz va hamkorlarimiz, jumladan, ukrainaliklar bilan yaqin aloqadamiz. Keyingi qadamlar ustida yaqin hamkorlikda ishlayapmiz. Kelgusi hafta boshida keyingi diplomatik qadamlar haqida ko'proq ma'lumot almashishimiz mumkin bo'ladi. Agar Rossiya diplomatiya yoʻlida olgʻa intilishni istasa, ittifoqdoshlarimiz va hamkorlarimiz bilan bunga mutlaqo tayyormiz, agar Rossiya bosqinchilik va eskalatsiya yoʻliga oʻtmoqchi boʻlsa, biz bunga ham qatʼiy javob bilan tayyormiz", - dedi Sallivan.
U AQSh vaziyatni keskinlashtirishga ham, diplomatik ishni davom ettirishga ham tayyor ekanini eslatdi.
Shuningdek, AQSh Shimoliy Koreya bilan munosabatlarini muhokama qilmoqchi ekani to'g'risida ma'lum qilgandi.
Nasiba To'xtayeva
