Farg’onada maktab o’qituvchisi 1-sinfga o’qishga kiritish uchun 800 dollar pora oldi
Firibgar muqaddam ikki marta sudlangan shaxs bo’lib chiqdi.
Farg’ona shahridagi 21-sonli maktabning jismoniy tarbiya fani o’qituvchisi 2021-yilning 9-avgust kuni D. Deveryankina ismli fuqaroning ishonchiga kirib, uning nabirasini va boshqalarni o‘zi ishlab kelayotgan maktabning 1-sinfiga direktor o‘rinbosari orqali o‘qishga kiritib qo‘yish uchun 800 dollari pora so’raydi.
O‘tkazilgan tezkor tadbirda o’qituvchi J. Andapo‘latov 800 dollarni “Qirguli” mavzesidagi “Iltifot” restorani binosi oldida olgan vaqtida ushlangan. Mazkur ish Jinoyat ishlari bo’yicha Farg’ona shahar sudi tomonidan ko‘rib chiqilgan va aybdor 2 yil-u 2 oy muddatga ozodlikdan mahrum etilgan.
