Rasman: Ta’lim muassasalari bir oylik onlayn ta’limga o’tkazildi
Bunga “Omicron” shtammining bolalar va yoshlar o‘rtasida tez tarqalishi sabab bo’lgan.
Koronavirus infeksiyasining yangi shtammi bolalar va yoshlar o‘rtasida tarqalish xavfini oldini olish hamda Sog‘liqni saqlash vazirligi hamda Sanitariya-epidemiologik osoyishtalik va jamoat salomatligi xizmatining takliflaridan kelib chiqib, 24-yanvardan boshlab barcha maktablarda, oliy va professional ta’lim muassasalarida, shuningdek, akademik litseylarda ta’lim jarayoni bir oy muddatga “onlayn” shaklga o’tkazildi.
Talabalar uchun temiryo‘l va aviachiptalarga berilgan 50 foiz miqdorida chegirma saqlab qolinadi va 2022-yil 24-fevralga qadar bepul tarzda boshqa muddatga almashtirib beriladi.
Maktab o‘quvchilarning sifatli ta’lim olishi uchun Milliy teleradiokompaniyaning telekanallari hamda "Onlayn maktab" telegram kanali orqali masofaviy darslar berib boriladi. "Onlayn maktab" loyihasi doirasida beriladigan darslar jadvali kunlik ravishda "Onlayn maktab" telegram kanali orqali e’lon qilib boriladi.
