Soliq huquqbuzarligi haqida xabar berganlar uchun pul mukofoti to‘lanadi
Soliq organlarini xabardor qilish “Soliq hamkor” maxsus axborot tizimi orqali amalga oshiriladi.
Vazirlar Mahkamasining “Savdo va xizmatlar ko‘rsatish sohasida jamoatchilik nazorati samaradorligini oshirishga doir qo‘shimcha chora-tadbirlar to‘g‘risida”gi qarori loyihasi e’lon qilindi.
Unga ko‘ra, xaridorlarga chek yoki unga tenglashtirilgan hujjatlar taqdim etmasdan tovarlarni sotish va xizmatlar ko‘rsatish holatlari to‘g‘risida, shuningdek, qalbaki markirovkalardan foydalanish va boshqa qonunga zid holatlar haqida soliq organini xabardor qilgan jismoniy shaxslarga bir martalik pul mukofotiga to‘lab beriladi.
Bir martalik pul mukofoti Soliq kodeksining 221-moddasi birinchi qismida nazarda tutilgan soliq huquqbuzarliklari uchun qo‘llaniladigan jarimalarning 20 foizi miqdorida belgilanadi.
