O’z qizini ayiq qafasiga tashlagan ayol haqida qo’shimcha ma’lumot berildi
Ma’lum bo’lishicha, ayol ruhiy kasalliklar shifoxonasida ro’yxatda turgan bo'lgan.
Bosh prokuror matbuot kotibi Hayot Shamsutdinovning xabar qilishicha, Toshkent hayvonot bog‘ida ona 3 yoshli qizini ayiqlar volyeriga tashlab yuborganligi bilan bog‘liq bo‘lgan jinoyat ishi yuzasidan tergov olib borilmoqda.
Ish bo‘yicha ayblanuvchi tariqasida jalb qilingan ayol 2021-yilning iyul oyidan buyon ruhiy asab kasalliklari dispanserida ro‘yxatda turganligi ma’lum bo‘ldi.
Hozirda ayblanuvchining jinoyat sodir qilgan paytdagi ruhiy holatini aniqlash yuzasidan tergov organi tomonidan sud-psixiatriya ekspertizasi tayinlangan.
