Hafta boshida ayrim hududlarda qor yog’ishi kutilmoqda
Ba’zi joylarda tuman tushib, harorat 7 darajagacha sovuq bo’ladi.
O’zgidromet 6-fevral soat 20.00 dan 7-fevral 20.00 gacha bo’lgan ob-havo prognozini e’lon qildi. Unga ko’ra, shu kunlarda O‘zbekiston hududiga Turkmanistondan juda iliq havo, so‘ngra Volga bo‘yi hududlaridan nam va salqin havo massasi kirib kelishi kutilmoqda. 7-fevral kuni ba’zi joylarda qor-yomg’ir aralash yog‘ingarchilik bo‘ladi.
Toshkent shahrida havo o‘zgarib turadi, vaqti-vaqti bilan biroz yog‘ingarchilik bo‘ladi. Yomg‘ir qorga aylanishi mumkin. Harorat kechasi 2–4 daraja iliq, kunduzi 4–6 daraja iliq bo‘ladi.
Qoraqalpog‘iston Respublikasi va Xorazm viloyatida yog‘ingarchilik kutilmaydi. Ba’zi joylarga tuman tushishi mumkin. Harorat kechasi 2–7 daraja sovuq, kunduzi 0–5 daraja iliq bo‘ladi.
Buxoro va Navoiy viloyatlarining ba’zi joylarida kechasi va ertalab biroz yog‘ingarchilik bo‘ladi. Ayrim hududlarda tuman tushishi mumkin. Harorat kechasi 2 daraja sovuq, 3 daraja iliq, kunduzi 3–8 daraja iliq bo‘ladi.
Toshkent viloyatining ba'zi joylarida biroz yog‘ingarchilik bo‘ladi. Ayrim hududlarda tuman tushishi mumkin. Harorat kechasi 0–5 daraja iliq, kunduzi 2–7 daraja iliq bo‘ladi.
Samarqand, Jizzax va Sirdaryo viloyatlarining ba'zi joylarida biroz yog‘ingarchilik bo‘ladi. Ayrim hududlarda tuman tushishi mumkin. Harorat kechasi va kunduzi 1–6 daraja iliq bo‘ladi.
Qashqadaryo va Surxondaryo viloyatlarida yog‘ingarchilik kutilmaydi. Ba‘zi joylarga tuman tushishi mumkin. Harorat kechasi 0–5 daraja iliq, kunduzi 5–10 daraja iliq bo‘ladi.
Andijon, Namangan va Farg‘ona viloyatlarining ba’zi joylarida biroz yog‘ingarchilik bo‘ladi. Ayrim hududlarda tuman tushishi mumkin. Harorat kechasi 0–5 daraja iliq, kunduzi 3–8 daraja iliq bo‘ladi.
Respublikaning tog‘li hududlarida vaqti-vaqti bilan yog‘ingarchilik bo‘ladi, ba’zi joylarda kuchli bo‘ladi. Tuman tushishi mumkin. Shuningdek, qor ko’chish xavfi bor. Harorat kechasi va kunduzi 0–5 daraja sovuq bo‘ladi.
